Cyn-fynediad
Mae’r rhaglen Cyn-fynediad wedi cael ei chreu i helpu myfyrwyr i ddatblygu sgiliau sy’n hanfodol er mwyn cwblhau’r cyrsiau Mynediad yng Ngholeg Gŵyr Abertawe.
Mae’r cwrs Cyn-fynediad wedi cael ei lunio i roi cyflwyniad cyffredinol i fyd addysg Mynediad, ac felly mae'n rhoi cyfle i fyfyrwyr ddewis o wyth llwybr.
‘Blas’ ar fywyd coleg yw’r cwrs Agored Cymru hwn a bydd yn rhoi sgiliau rheoli amser a hyder i fyfyrwyr. Bydd hefyd yn gwella eu gallu i ysgrifennu’n academaidd, sgiliau cyflwyno a thrin a thrafod materion pwysig.
Mae’r cwrs yn cynnwys pedair uned ar Lefel 2. Er mwyn cwblhau’r cwrs a symud ymlaen i’r cwrs Mynediad Addysg Uwch, rhaid i’r myfyriwr ennill o leiaf dair uned ar Lefel 2:
- Cyflwyniad i seicoleg
- Sgiliau ymchwil ac astudio effeithiol
- Cymhwyso rhif: Dehongli a chyflwyno gwybodaeth
- Technoleg Gwybodaeth
Asesir y cwrs gan ddefnyddio traethodau, cyflwyniadau, adroddiadau ac asesiadau wedi’u hamseru yn y dosbarth. Mae’r cwrs rhan-amser yn cynnwys pum awr o astudio yr wythnos dros un sesiwn (naill ai gyda’r nos neu yn ystod y dydd.)
Gofynion mynediad
Oherwydd gofynion y rhaglen Lefel 1/2 hon a’r disgwyliadau i symud ymlaen i Lefel 3, yn ystod y cyfweliad disgwylir i fyfyrwyr ddangos gwir ddiddordeb mewn pobl, agwedd gadarnhaol, yr angen i lwyddo ac ymrwymiad a brwdfrydedd dros astudio. Rhaid i fyfyrwyr fod yn ddibynadwy, gonest, gweithgar a dangos unplygrwydd.
Dylai myfyrwyr fod yn ymgeiswyr hŷn a dangos tystiolaeth glir o brofiad bywyd.
Dilyniant
Bydd myfyrwyr yn gallu symud ymlaen i raglen Lefel 3 yn y coleg, sef rhaglen Mynediad i AU fel arfer. Bydd y myfyrwyr hynny sydd ag angen rhagor o amser i ddatblygu yn cael cyfle i ddilyn y cwrs Dilyniant Oedolion naill ai ar Lefel 1 neu ar Lefel 2.
Os nad ydynt yn gweithio ym maes iechyd ar hyn o bryd, disgwylir i fyfyrwyr gael profiad gwaith sy’n addas i’r llwybr dilyniant a ddewiswyd ganddynt. Bydd myfyrwyr hefyd yn cael cyfle i ymweld â sefydliadau AU i gwrdd â’r timau derbyn (codir ffi fach i dalu am deithio.)
Hyd
12 wythnos
Ffioedd [os yw’n berthnasol]
£90
Lleoliad
Tycoch
I gael rhagor o wybodaeth am gyrsiau Cyn-fynediad ffoniwch Suzanne Arnold ar 01792 284000 neu anfonwch e-bost
Diweddarwyd Mawrth 2012
Prosbectws
