Gwybodaeth i Rieni

Cymorth yn y Coleg
Mae nifer o nosweithiau ymgynghori yn cael eu cynnal i roi cyfle i chi drafod cynnydd eich mab neu’ch merch. Rhaid i chi wneud apwyntiad i sicrhau eich bod chi’n siarad â’r aelod tîm perthnasol. Anfonir adroddiadau cynnydd myfyrwyr at rieni yn ystod y flwyddyn.

Os oes unrhyw bryderon gennych chi am eich mab neu’ch merch gallwch chi gysylltu â’r Tiwtor Personol, Tiwtor y Gyfadran neu Ddeon y Gyfadran. Yn ogystal â’r system Tiwtor Personol gall eich mab neu’ch merch droi at amryw o wasanaethau i’w helpu yn ystod eu cyfnod yn y coleg. Gall y Tîm Gwasanaethau Myfyrwyr helpu gydag amrywiaeth o faterion cymorth gan gynnwys cyngor ar gyllid, cyfarwyddyd gyrfaoedd, cyngor ar gyrsiau a chynghori.
 
Newid/Gadael Cwrs
Os nad yw’ch mab neu’ch merch yn hapus gyda’r cwrs/pwnc y mae wedi’i ddewis rhaid trafod hyn â’r Tiwtor Personol. Bydd y tiwtor yn gallu dweud wrthych chi beth yw’r peth gorau i’w wneud. Os yw’ch mab neu’ch merch yn newid rhaglen heb ymgynghori â’r Tiwtor Personol, gallai olygu newid statws o fod yn fyfyriwr amser llawn i fyfyriwr rhan-amser a gallai hyn gael effaith ar y cyllid a gânt.

Arholiadau
Mae myfyrwyr yn gyfrifol am gofrestru ar gyfer arholiadau yn y coleg. Hysbysebir dyddiadau cofrestru drwy’r coleg ymhell cyn y dyddiadau cau. Codir ffi am gofrestru’n hwyr. Bydd ffurflenni cofrestru ar gael gan Diwtor Personol eich mab neu’ch merch.

Mae costau arholiadau a ffioedd cofrestru yn rhad ac am ddim pan fydd myfyrwyr yn sefyll yr arholiadau am y tro cyntaf. Fodd bynnag, os nad yw’ch mab neu’ch merch yn sefyll arholiad neu’n gadael y coleg ar ôl cofrestru ar gyfer arholiad, disgwylir i’ch mab neu’ch merch dalu’r costau hyn. Codir ffi hefyd am ailsefyll arholiadau.

Y Drefn Absenoldeb Myfyrwyr
Mae’r coleg yn cydnabod y bydd myfyrwyr yn absennol weithiau. Os yw’r myfyriwr yn absennol yn aml gallai fod ar ei hôl hi gyda’i astudiaethau. Yn achos salwch dilys bydd y coleg yn gwneud popeth a all i gefnogi’r myfyriwr.

Os nad yw’r absenoldeb yn ddilys gall y Drefn Ddisgyblu Myfyrwyr fod yn weithredol a gall unrhyw gyllid gael ei effeithio. Mae Trefn Absenoldeb Myfyrwyr gan y coleg i fyfyrwyr sy’n astudio ar gyrsiau amser llawn.

Adrodd Absenoldeb