Gofynion mynediad

Dewis y cwrs iawn
Gall y canllaw hwn i lefelau cyrsiau eich helpu chi i ddewis y cwrs iawn.

Mynediad: Mae dysgu ar y lefel hon yn cynnwys meithrin gwybodaeth a sgiliau sylfaenol o dan gyfarwyddyd neu oruchwyliaeth uniongyrchol.

Lefel 1: (Dim gwybodaeth flaenorol) Rydych chi’n ddechreuwr neu dydych chi ddim yn gyfarwydd â’r pwnc neu'n gyfarwydd ychydig yn unig â'r pwnc.  Gall y cwrs gael ei gysylltu â swydd arbennig.

Lefel 2: (Canolradd) Efallai eich bod chi wedi cwblhau cwrs Lefel 1 neu'n meddu ar TGAU neu wybodaeth gyfatebol.  Bydd cymwysterau ar lefel 2 yn cydnabod y gallu i wneud tasgau gyda rhywfaint o gyfarwyddyd neu oruchwyliaeth.

Lefel 3: (Uwch) Efallai eich bod chi wedi cwblhau cwrs Lefel 2 yn y pwnc.  Mae cymwysterau Lefel 3 (e.e. Safonau Uwch) yn meithrin gwybodaeth a sgiliau manwl.  Maen nhw'n briodol i bobl sy'n dymuno mynd i'r brifysgol, pobl sy'n gweithio'n annibynnol, neu bobl mewn rhai meysydd sy'n goruchwylio ac yn hyfforddi eraill yn eu maes gwaith.

Lefel 4: Mae cymwysterau ar lefel 4 (e.e. NVQ 4) yn cynnwys dysgu arbenigol ac maen nhw'n briodol i bobl sy'n gweithio neu sy'n dymuno gweithio mewn swyddi technegol neu broffesiynol, a/neu sy'n rheoli ac yn datblygu eraill.

Lefel 5: Ar y lefel hon, mae cymwysterau (e.e. BTEC HNC/HND) yn cynnwys lefelau uchel o wybodaeth a sgiliau ac yn briodol i bobl sy'n gweithio neu sy'n dymuno gweithio fel technegwyr gradd uwch, gweithwyr proffesiynol neu reolwyr.

Lefel 6: Mae cymwysterau Lefel 6 (e.e. Gradd) yn cynnwys lefel uchel o wybodaeth broffesiynol arbenigol mewn maes gwaith neu astudio.  Maen nhw'n briodol i bobl sy'n gweithio fel gweithwyr proffesiynol seiliedig ar wybodaeth neu mewn swyddi rheoli proffesiynol.

Lefel 7: Mae'n cynnwys arddangos gwybodaeth broffesiynol arbenigol lefel uchel ac mae'n bridol ar gyfer uwch weithwyr proffesiynol a rheolwyr. Mae cymwysterau Lefel 7 ar lefel sy'n gyfwerth a gradd Meistr, tystysgrif ol-radd a diploma ol-radd.