Camau i Gyflogaeth

Mae’r rhaglenni Camau i Gyflogaeth ar gyfer oedolion sy’n dysgu, sy’n 18 oed neu’n hŷn ac yn ystyried dychwelyd i’r gwaith ar ôl cyfnod o ddiweithdra ac yn derbyn lwfansau’r Adran Gwaith a Phensiynau. Rhaid i’r oedolion sy’n bwriadu ymuno â’r rhaglen gael gwiriad cymhwysedd cyn-fynediad gyda’r Ganolfan Byd Gwaith. 

• Dysgu sy’n Canolbwyntio ar Waith - nod y rhaglen hon yw mynd i’r afael ag unrhyw rwystrau dysgu sydd efallai yn eich atal rhag ymrwymo i waith, hyfforddiant neu addysg amser llawn.
   
• Llwybrau i Waith - mae hon yn rhaglen hyfforddi bwrpasol alwedigaethol fer o dan arweiniad cyflogwr wedi’i theilwra ar gyfer cyflogwyr unigol/grwpiau o gyflogwyr sy’n ystyried recriwtio unigolion. Byddwch yn siŵr o gael cyfweliad am swydd ar ôl cwblhau’r rhaglenni hyn yn llwyddiannus.

Beth yw’r manteision?

• cynyddu cymhelliad a magu hyder;
• cael profiad yn yr alwedigaeth o’ch dewis;
• ennill cymwysterau ar Lefel 1 neu 2;
• datblygu’ch sgiliau hanfodol (cyfathrebu, cymhwyso rhif, TGCh, gweithio gydag eraill, gwella’ch dysgu eich hun a datrys problemau);
• premiwm hyfforddi;
• cymorth gofal plant ar gyfer rhieni unigol;
• gwella’ch cyfle o gael eich cyflogi; a
• chymhorthdal teithio.

Cynigiwn y cyrsiau canlynol ar hyn o bryd (gall fod newidiadau):

• Tystysgrif mewn Trin Gwallt a Gwaith Barbwr
• NVQ Tystysgrif mewn Gwasanaeth Cwsmeriaid
• NVQ Tystysgrif mewn Gweinyddu Busnes
• Dyfarniad Mewn Gwaith Warws a Storio
• NVQ Tystysgrif a Diploma mewn Gwasanaethau Lletygarwch
• NVQ Diploma mewn Coginio Proffesiynol
• NVQ Perfformio Gweithrediadau Peirianneg
• NVQ Plymwaith
• Diploma mewn Gofal, Dysgu a Datblygiad Plant
• Dyfarniad mewn Systemau TGCh ac Egwyddorion i Brentisiaid
• Tystysgrif i Ddefnyddwyr TG

Sylwch fod angen i bob dysgwr gael ei gyfeirio gan y Ganolfan Byd Gwaith (cysylltwch â’ch cynghorydd). I gael rhagor o wybodaeth ffoniwch 01792 284477.