Dwy fuddugoliaeth i dîm pêl-rwyd Coleg Gŵyr Abertawe
Mae tîm pêl-rwyd Coleg Gŵyr Abertawe yn dathlu ar ôl cael dau lwyddiant yn ddiweddar.
Fe wnaeth buddugoliaeth 8-7 yn erbyn Coleg Gwent Cross Keys yng Nghanolfan Genedlaethol Chwaraeon Cymru sicrhau record chwe-gêm perffaith iddyn nhw, gan eu gwneud yn Bencampwyr Colegau Cymru 2022-23!
Yn ogystal, cafodd saith chwaraewr eu dewis ar gyfer treialon Pêl-rwyd Colegau Cymru yng Ngholeg Caerdydd a’r Fro:
Cyn-fyfyriwr yn ennill cap cyntaf i Gymru yng Nghystadleuaeth y Chwe Gwlad
Mae cyn-fyfyriwr o Goleg Gŵyr Abertawe wedi ennill ei chap rygbi cyntaf dros Gymru yng nghystadleuaeth y Chwe Gwlad, yn erbyn Ffrainc.
Cafodd Alex Collender, o Gaerfyrddin, ei synnu wrth iddi ennill ei chap cyntaf yn gynnar yng ngêm agoriadol y gystadleuaeth, ar Chwefror 2, ym Montpellier.
16 oed oedd Alex (dwy flynedd yn ôl), pan ddechreuodd chwarae rygbi i dîm Llanelli Wanderers, yn dilyn anogaeth gan ffrindiau. Ar hyn o bryd mae’n chwarae ei rygbi rhanbarthol gyda’r Scarlets.
Llwyddiant cenedlaethol i fyfyrwyr pêl-rwyd
Am yr ail flwyddyn yn olynol, mae tîm pêl-rwyd sy’n cynnwys myfyrwyr Coleg Gŵyr Abertawe yn dathlu llwyddiant cenedlaethol ar ôl cymryd rhan yng nghystadlaethau Pêl-rwyd yr Urdd yng Nghaerdydd yn ddiweddar.
Yn y gemau gogynderfynol enillodd y tîm 19-10 yn erbyn Ysgol Uwchradd Caerdydd cyn curo Coleg Castell-nedd Port Talbot 4-8 yn y rownd gynderfynol. Yn y rownd derfynol, y sgôr oedd 14-8 yn erbyn yr Haberdashers.