Tîm niwroamrywiaeth (dysgwyr heb ddatganiad)

Os nad oes gennych ddatganiad ond mae angen cymorth arnoch o hyd, mae angen i chi gysylltu â’r tîm niwroamrywiaeth. Po fwyaf o wybodaeth sydd gennym amdanoch, yr hawsaf fydd hi i ni roi cymorth i chi. Cewch gyfle i ddweud wrthym pa gymorth sydd ei angen arnoch pan fyddwch yn cofrestru. Mae cofrestru hefyd yn adeg da iawn i ddweud wrthym am unrhyw gymorth arholiad a gawsoch yn yr ysgol.

Cydlynydd Niwroamrywiaeth: Emma Jones
Emma.LeanneJones@gcs.ac.uk

Mae’r tîm hwn yn cynnwys athrawon cymorth arbenigol sy’n eich cynorthwyo os oes gennych gyflwr niwroamrywiol. Er enghraifft, anhwylder diffyg canolbwyntio a gorfywiogrwydd (ADHD), awtistiaeth, dyslecsia, dyscalcwlia, anhwylder datblygu iaith (DCD)/dyspracsia ac anhwylder datblygu iaith (DLD).

Mae Arbenigwr Cymorth Niwroamrywiaeth (NSS) gan bob cyfadran yn y Coleg. Byddwch chi’n gallu trafod eich anghenion a byddan nhw’n rhoi cymorth i chi a’ch darlithwyr drwy gydol y cwrs.

Mae’r canolfannau niwroamrywiaeth yn darparu lle tawel i chi weithio ynddo sy’n gallu gweithredu fel porth i gymorth ychwanegol fel ymarferwyr cwnsela ac iechyd i’ch helpu gyda’ch lles emosiynol.

Mae cyfrifiaduron ar gael yn y canolfannau ac mae myfyrwyr yn cael eu hannog i fynd i sesiynau galw heibio ar gyfer cymorth y tu allan i’r dosbarth gydag athro arbenigol. Mae sawl hyb cymorth ar draws y Coleg hefyd. Mae’r rhain yn lleoedd tawel dynodedig lle gallwch chi gwblhau’ch gwaith neu gael hoe yn ystod eich diwrnod prysur.

Cydlynydd Amrywiaeth: Emma Jones
Emma.LeanneJones@gcs.ac.uk

Cwestiynau Cyffredin

Ydw i’n gallu cael fy asesu am ddyslecsia?

Fel Coleg, byddwn ni’n eich sgrinio ar gyfer dyslecsia ac, er na fydd hyn yn rhoi diagnosis i chi, bydd yn rhoi hawl i chi gael yr un cymorth ag y byddai rhywun â diagnosis yn ei gael.

Pa fath o gymorth fydda i’n ei gael?

Bydd y tîm niwroamrywiaeth yn teilwra cymorth i’ch anghenion unigol. Gallai hyn gynnwys cymorth un-i-un y tu allan i’r ystafell ddosbarth, help i ysgrifennu aseiniadau neu gymryd nodiadau, cymorth yn y dosbarth, paratoi ar gyfer arholiadau a chreu Proffil Un Dudalen.

Ydw i’n gallu cael gliniadur?

Os ydych chi fel arfer yn defnyddio gliniadur i wneud gwaith, mae hyn yn opsiwn. Bydd angen tystiolaeth feddygol arnoch neu dystiolaeth o’ch lleoliad addysgol blaenorol ar gyfer hyn.

Oes rhaid i mi dderbyn cymorth pan gaiff ei gynnig?

Eich dewis chi fydd derbyn y cymorth a gynigir gan y Coleg. Does dim rhaid i chi dderbyn y cynnig ond, os yw’n cael ei gynnig, mae’n golygu bod gennych hawl i’w gael er mwyn sicrhau bod gennych yr un cyfleoedd â’r holl ddysgwyr. Cyn gwrthod cymorth, mae’n syniad da trafod eich opsiynau gyda’r tîm oherwydd gallwn ni deilwra’r cymorth i weddu i’ch anghenion penodol. Efallai y bydd angen cymorth arnoch ar adegau penodol o’r flwyddyn.

Pa gymorth fydda i’n ei gael yn fy arholiadau?

Mae’n bosibl y bydd gennych hawl i gael cymorth ychwanegol ar gyfer arholiadau fel amser ychwanegol, copïwr neu ddarllenydd. Os cawsoch eich asesu yn yr ysgol, gall yr wybodaeth hon gael ei defnyddio yn y Coleg i barhau â’r cymorth. Os nad ydych wedi cael eich asesu ar gyfer hyn, gall y Coleg gynnal yr asesiadau hyn.

Os nad ydw i erioed wedi cael prawf o’r blaen, alla i gael prawf nawr?

Gallwch. Fel Coleg rydyn ni’n hapus i asesu unrhyw ddysgwr sy’n teimlo yr hoffai wybod rhagor am ei anghenion. Gall hyn nodi pa gymorth sy’n fwyaf addas i chi a’r arddulliau dysgu sy’n well gennych.

Pa waith papur ddylwn i ddod ag ef gyda mi i’m cyfweliad Coleg/cyfarfod gyda’r staff pontio?

Os cawsoch ddatganiad gan yr Awdurdod Lleol yn yr ysgol, dewch ag ef gyda chi.

Ydy fy nhrefniadau mynediad/consesiynau arholiad yn parhau ar ôl yr ysgol?

Dylech roi gwybod i’r Coleg adeg cofrestru eich bod yn cael amser ychwanegol neu gymorth arall mewn arholiadau. Os cawsoch gymorth yn yr arholiadau, bydd angen i chi gasglu’ch Ffurflen 8 o’r Cydlynydd ADY yn eich ysgol fel y gallwn ni weld eich hanes.

Sut ydw i’n trefnu cymorth gyda fy ngwaith?

Siaradwch â’ch tiwtor neu aelod o staff y tîm niwroamrywiaeth i drefnu sesiwn cymorth.

Pa gymorth alla i ei dderbyn gyda fy ngwaith?

Yn dibynnu ar eich anghenion efallai y bydd yr opsiynau canlynol ar gael i chi: