Mae Coleg Gŵyr Abertawe’n falch iawn o gyhoeddi ystod o gyrsiau undydd mewn marchnata digidol (wedi’u hariannu’n llawn). Mae’r cyrsiau’n addas ar gyfer unigolion 19+ sy’n byw neu’n gweithio yn Abertawe.

Bwriad y cyrsiau byr yw rhoi’r sgiliau hanfodol i ddysgwyr sydd eu hangen arnynt i ffynnu yn y gymdeithas ddigidol ddeinamig sydd ohoni. Byddant yn derbyn mewnwelediadau gweithredadwy a gwybodaeth ymarferol sy’n hollbwysig ar gyfer llwyddo yn y byd digidol.

Mae Coleg Gŵyr Abertawe’n falch o gyhoeddi y byddwn yn cymryd rhan yn Wythnos Cymru Llundain, sef sioe flynyddol sy’n arddangos gweithgareddau a digwyddiadau sy’n dathlu a hyrwyddo Cymru yn ei holl ysblander.

Ar y cyd â phartneriaid clodfawr megis The Skills Centre, CITB, The Earls Court Development Company a Felicitas, rydym yn gyffrous i gynnig digwyddiad arbennig o’r enw Adeiladu Dyfodol Gwyrddach: Sgiliau cynaliadwy blaenllaw Cymru ar gyfer Amgylchedd Adeiladu’r DU.

Mae Wythnos Prentisiaethau Cymru yn ddathliad sy’n codi ymwybyddiaeth ac yn dangos pam mae prentisiaethau yn benderfyniad athrylithgar i unigolion, cyflogwyr a gweithlu’r dyfodol.

Eleni, mae WP Cymru yn rhedeg o ddydd Llun 5 i ddydd Sul 11 Chwefror, ac mae Coleg Gŵyr Abertawe yn cynnig amrywiaeth o weithgareddau i egluro a dathlu prentisiaethau:

Roedd Coleg Gŵyr Abertawe yn falch iawn o ddathlu llwyddiannau tîm Parciau a Glanhau Cyngor Abertawe.

Dechreuodd tîm Jeremy Davies eu cwrs Dyfarniad ILM Lefel 3 ychydig dros ddeuddeg mis yn ôl, a gyda chymorth ac arweiniad tiwtoriaid y Coleg Adele Morgan a Susan Washer, graddiodd y tîm yn llwyddiannus mewn digwyddiad dathlu bach yn Ysgol Fusnes Plas Sgeti.

Daw Coleg Gŵyr Abertawe i’r amlwg unwaith eto fel sefydliad addysgol blaengar, wrth iddo lansio llwybr prentisiaeth newydd sbon mewn Dylunio sy’n Canolbwyntio ar y Defnyddiwr (DCD), gan sefydlu ei hun fel y darparwr cyntaf a’r unig ddarparwr yng Nghymru sy’n cynnig y rhaglen arloesol hon. Gydag ymroddiad i arloesi a meithrin talentau, mae’r Coleg yn nodi carreg filltir arwyddocaol trwy gyflwyno cwricwlwm sy’n cyd-fynd â gofynion diwydiannau cyfoes.

Wythnos Genedlaethol Prentisiaethau (NAW) 2023 yw’r 16eg dathliad blynyddol o brentisiaethau yn y DU. Mae’n dod â busnesau a phrentisiaid ynghyd i daflu goleuni ar yr effaith gadarnhaol y mae prentisiaethau yn eu cael ar unigolion, busnesau a’r economi ehangach. Mae’n cyd-daro ag Wythnos Prentisiaethau Cymru (AWW) sy’n dathlu ac yn hyrwyddo prentisiaethau yng Nghymru fel llwybr gwerthfawr i waith neu yrfa newydd. 

Mae dau fyfyriwr Coleg Gŵyr Abertawe – Phyllis Gregory a Wilnelia De Jesus – wedi ennill gwobrau yng Ngwobrau Addysg Oedolion Ysbrydoli!, sy’n dathlu dysgu gydol oes.

Wilnelia De Jesus

Yn ystod y cyfnod yn arwain at Bencampwriaeth y Chwe Gwlad Guinness 2020, roedd Coleg Gŵyr Abertawe wedi gwahodd grŵp o arweinwyr busnes lleol i ginio ecsgliwsif  yng nghwmni’r cyn chwaraewr rygbi rhyngwladol Stuart Davies a’r gwestai arbennig James Hook.

Ymhlith y rhai fu’n bresennol roedd Alan Brayley o AB Glass a Chlwb Busnes Bae Abertawe, Sarah Davies o Gyfreithwyr JCP, Martin Morgan o Westy Morgans, Alun Williams o Gymdeithas Adeiladu Abertawe a Terry Edwards o John Weaver Contractors.

Mae Coleg Gŵyr Abertawe wedi penodi Stuart Davies fel ei Ymgynghorydd Datblygu Busnes newydd.

Cafodd Stuart ei fagu o fewn tafliad carreg i ystad Hill House y Coleg yn Nhycoch a threuliodd 14 o flynyddoedd yn chwarae rygbi ar y safon uchaf, gan gynrychioli Abertawe a Chymru yn rheolaidd. Ar ôl ei ddyddiau’n chwarae rygbi, casglodd Stuart ddyfnder helaeth o wybodaeth ar draws ystod eang o sectorau ac arbenigeddau busnes.

Mae Coleg Gŵyr Abertawe wedi ennill statws Partner Dysgu Aur NEBOSH - sêl bendith swyddogol am addysgu cyrsiau iechyd a diogelwch.

Ar hyn o bryd, trwy ei ddarpariaeth Hyfforddiant GCS a leolir yn Llys Jiwbilî, Fforestfach, mae’r Coleg yn cyflwyno pedwar cwrs NEBOSH achrededig - Tystysgrif Gyffredinol mewn Iechyd a Diogelwch Galwedigaethol, Tystysgrif Lefel 3 mewn Diogelwch Tân a Rheoli Risg, Tystysgrif Genedlaethol mewn Rheolaeth Amgylcheddol, a Thystysgrif Genedlaethol mewn Adeiladu ac Iechyd a Diogelwch Galwedigaethol (NCC1 a 2).